கோலாலம்பூரில் BEAT சேர்ந்திசை நிகழ்ச்சி

மலேசியாவில் உள்ள Independent Living & Training centre சார்பில் Bank Employees Art Troupe (BEAT) - இன் சேர்ந்திசை நிகழ்ச்சியும், ஸ்ருதி லயாவின் இசை நிகழ்ச்சியும் வரும் நவம்பர் மாதம் முதல் தேதியன்று கோலாலம்பூர் convention centre அரங்கில் நடைபெற உள்ளது. அந்த நிகழ்ச்சிக்கான மாதிரி நிதி ரசீது மேலே தரப்பட்டுள்ளது.

சேர்ந்திசை பயிற்சி

இசை ஆசிரியை திருமதி ராஜராஜேஸ்வரி இசை குறிப்புகளை பீட் சேர்ந்திசை குழுவினருக்கு சொல்லித்தருகிறார் .

சேர்ந்திசை ஒத்திகை

மலேசியா - ஸ்ருதிலயா நிகழ்ச்சிக்காக சென்னையில், BANK EMPLOYEES FEDERATION OF INDIA - நரேஷ் பால் மையத்தில் நடைபெறும் பீட் குழுவின் சேர்ந்திசை ஒத்திகை.

சேர்ந்திசை ஒத்திகை

கோலாலம்பூர் ஸ்ருதிலயா நிகழ்ச்சிக்காக சென்னை கேரள சமாஜத்தில் நடைபெறும் சேர்ந்திசை ஒத்திகை

பிரம்ம தேவன் கலையிங்கு நீரே

பாடல்:பாரதியார் இசை: எம். பி. சீனிவாசன்
சுருதி : 6 1/2

இரும்பைக் காய்ச்சி உருக்கிடுவீரே
யந்திரங்கள் வகுத்திடுவீரே
கரும்பைச் சாறு பிழிந்திடுவீரே
கடலில் மூழ்கி நன் முத்தெடுப்பீரே
அரும்பும் வேர்வை உதிர்த்து புவி மேல்
ஆயிரந்தொழில் செய்திடுவீரே
பெரும்புகழ் நுமக்கே யிசைக்கின்றேன்
பிரம்ம தேவன் கலையிங்கு நீரே

தந்தனதானோ தந்தனா தந்தனதானோ
தந்தனதந்தனனோ
தந்தனதானோ தந்தனா தந்தனதானோ
தந்தனதந்தனனோ

மண்ணெடுத்து குடங்கள் செய்வீரே
மரத்தை வெட்டி மனை செய்குவீரே

தந்தனதானோ தந்தனா தந்தனதானோ
தந்தனதந்தனனோ
தந்தனதானோ தந்தனா தந்தனதானோ
தந்தனதந்தனனோ

உண்ண காய்கனி தந்திடுவீரே
உழுது நன்செய் பயிரிடுவீரே
எண்ணை பால் நெய் கொணர்ந்திடுவீரே
இழையை நூற்று நல்லடை செய்வீரே
விண்ணின்றெமை வானவர் காப்பார்
மேவிப்பார்மிசை காப்பவர் நீரே

தந்தனதானோ தந்தனா தந்தனதானோ
தந்தனதந்தனனோ

பாட்டும் சேய்யுளும் கோத்திடுவீரே
பரத நாட்டிய கூத்திடுவீரே

தந்தனதானோ தந்தனா தந்தனதானோ
தந்தனதந்தனனோ

காட்டும் வையப் பொருள்களின் உண்மை கண்டு
உண்மை கண்டு சாத்திரம் சேர்த்திடுவீரே
நாட்டிலே அறம் கூட்டிவைப்பீரே
நாடும் இன்பங்கள் ஊட்டி வைப்பீரே
தேட்டமின்றி விழி எதிர் காணும்
தெய்வமாக விளங்குவீர் நீரே

விடுதலைப் போரினில்.....

பாடல் : ம ணவாளன் இசை : எம் பி ஸ்ரீனிவாசன்

சுருதி : 1

விடுதலைப் போரினில் வீழ்ந்த மலரே
தோழா ...... தோழா....
வீரர் உமக்கே வணக்கம் வணக்கம்
தோழா.... தோழா.... (விடுதலை)

காரிருள் சூழ்ந்த கரிய வானத்தில்
தாரகை போன்று ஜொலித்து நிற்கின்றீர்
போரிடும் எமக்கு புத்துயிர் தாரீர்
தோழா.... தோழா.... (விடுதலை)

இந்திய நாட்டின் விடுதலைப் போரில்
எண்ணற்ற வீரரை அர்ப்பணம் செய்தோம்
இதயக் கனவுகள் ஈடேறும் சத்யம்
தோழா.... தோழா.... (விடுதலை)

ஆயிரம் ஆயிரம் தோழர்கள் ரத்தம்
குடித்தெழுந்தே நிற்கும் கோரச் சமூகம்
தகர்த்தெறிவோம் மக்கள் சக்தியினாலே
தோழா.... தோழா.... (விடுதலை)

நமது குறிக்கோள்கள்

குறிக்கோள்கள்

1) அணுயுத்தப் பேரழிவிலிருந்து உலகைக் காத்தல், உலக சமாதான சக்திகளுடன் இணைந்து நிற்றல்.

2) அனைத்து நாடுகளது சுதந்திரத்தையும் மதித்தல், நிற வெறி மத‌வெறி, இன வெறி, பிற்போக்கு சர்வாதிகார ஆட்சிகளை எதிர்த்து நடக்கும் மக்கள் போராட்டஙகளை ஆதரித்தல்.

3) இந்தியாவின் சுதந்திரத்தையும், ஒற்றுமையையும் பேணிக் காத்தல், மதம் இனம் மொழி ஜாதியின் பெயரால் வெறித்தனங்களை கிளப்பிவிடும் தீய சக்திகளை எதிர்த்தல், நாட்டு ஒற்றுமைக்காக, மக்கள் ஒற்றுமைக்காக பாடுபடுதல்.

4) தேசிய மொழிகள் அனைத்திற்கும் சம அந்தஸ்து, ம த சார்பற்ற அரசு கோட்பாடு, சாதீய ஒடுக்குமுறைகள் ஒழிப்பு ஆகியவற்றுக்காக போராடுதல்.

5) பேச்சுரிமை, எழுத்துரிமை, சங்கம் வைக்கும் உரிமை எனும் அடிப்படை ஜனநாயக உரிமைகள் விடாது காத்து நிற்றல்.

6) உழைக்கும் மக்களது வாழ்க்கைப் போராட்டஙகளுக்கு துணை நிற்றல்.

7) காம வெறியூட்டும் ஆபாச கலை ‍ இலக்கியங்களை எதிர்த்தல்.

8) லஞ்சம், ஊழல், கடத்தல், கலப்படம், கள்ளச்சந்தை, கறுப்பணம் போன்ற சமூக விரோதச் செயல்களை எதிர்த்தல்.

9) பெண்ணினத்தை இழிவுபடுத்தும் எல்லாவிதமான பிற்போக்குத்தனங்களையும் சாடுதல்; மாதர் விடுதலைக்காகப் பாடுபடுதல்.

10) மூட நம்பிக்கைகளிலிருந்து மக்கள் விடுபடும் வகையில் விஞ்ஞான கண்ணோட்டத்தை வளர்த்தல்.

இத்தகைய நோக்கங்களுடன் கலை இலக்கியப் பணிகளில் ஈடுபடுவோம் என்று அறிவிப்பதுடன், மனித குலம் பெற்றுள்ள எல்லா அறிவுத் துறைகளும் எவ்வாறு மனிதகுல மேம்பாட்டுக்காகவே பயன் பட வேண்டும் என்று கூறுகிறோமோ அவ்வாறே கலை இலக்கியமும் மக்களது முன்னேற்றத்திற்காக பயன் பட வேண்டும் என்பதே நமது குறிக்கோள்.